Það sem þarf

3 pizza tortillur

150 g (1 askja) laktosafrír kryddostur með beikoni og papriku frá Örnu, rifinn

silkiskorin skinka

döðlur, skornar í bita

klettasalat

balsamik gljái

furuhnetur

sojasósa

Aðferð:

Byrjið á að þurrrista furuhneturnar á heitri pönnu. Undir lokin er smá sojasósu hellt yfir og ristað í nokkrar sekúndur til viðbótar (bara rétt til að hneturnar þorni). Leggið til hliðar.

Setjið tortillurnar (þykkari tegundina, sem er merkt pizza) á ofnplötu sem hefur verið klædd með bökunarpappír. Rífið kryddost yfir botninn og setjið silkiskorna skinku og döðlur yfir. Bakið við 200° í 5-7 mínútur, eða þar til osturinn hefur bráðnað aðeins (hann bráðnar ekki alveg en hitnar í gegn). Takið úr ofninum og stráið klettasalati og ristuðu furuhnetunum yfir. Endið á að sáldra balsamik gljáa yfir og berið fram.

Þessa girnilegu uppskrift gerði hún Svava fyrir okkur https://ljufmeti.com/2019/02/27/tortillur-med-kryddosti-skinku-dodlum-klettasalati-og-ristudum-furuhnetum/