Heitt súkkulaði með rjóma
Það er fátt sem kemur mér í meira jólaskap en heitt súkkulaði með miklum rjóma.
Hvort sem það er eftir góðan og frískandi göngutúr með krakkana rennandi sér á sleða eða eftir rölt niður Skólavörðustíginn að skoða jólaskreytingarnar, þá jafnast ekkert á við að koma inn í hlýjuna heima og fá sér heitt súkkulaði og piparkökur.
Hér er að finna klassíska útgáfu af heitu súkkulaði sem mun koma þér vonandi í þitt allra besta jólaskap! ❤️
Uppskriftin og myndir eru frá Lindu Ben.
Innihaldsefni
500 ml nýmjólk frá Örnu
150 g dökkt súkkulaði
2 msk sykur
Rjómi frá Örnu – magn fer eftir smekk hvers og eins
Súkkulaðispænir
Kanilstöng (má sleppa)
Aðferð
- Setjið mjólkina í pott ásamt sykrinum, hitið að suðu en látið ekki sjóða.
- Skerið súkkulaðið niður í bita, slökkvið á hitanum undir mjólkinni, bætið súkkulaðinu út í hrærið saman þar til allt hefur samlagast.
- Hellið í bolla eða glös, þeytið rjómann og bætið út á kakóið. Ef þið viljið þá getiði sett rjómann í sprautupoka með stjörnustút og sprautað rjómanum út á kakóið eins og ég gerði.
- Takið súkkulaði spænir og setjið yfir kakóið og skreytið með kanilstöng.
Verði ykkur að góðu!
Deila uppskrift á Facebook
Arna ehf.
456-5600
arna@arna.is
VSK Númer. 85774
Framleiðsla og aðalskrifstofur
Hafnargötu 80, 415 Bolungarvík
Sala og dreifing
Tunguhálsi 6, 110 Reykjavík
Póstlisti
Með því að skrá þig á póstlistann okkar færðu sendar
nýjustu uppskriftir og aðrar gagnlegar tilkynningar frá Örnu.
