Þessa girnilegu uppskrift gerði Linda Ben fyrir okkur og notaði í hann bæði kryddostana okkar og rifnu ostana. Við mælum svo sannarlega með því að þið prófið þennan 🙂

Það sem þarf: 

1 bréf pepperóní

2-3 beikon sneiðar (má sleppa)

½ blaðlaukur

1 hvítlauksrif

10 sveppir

16 brauðsneiðar

10 sólþurrkaðir tómatar

1 dl svartar ólífur má sleppa

600 ml Rjómi frá Örnu

1 stk kryddostur frá Örnu með beikoni og papriku

1 stk kryddostur frá Örnu með hvítlauk eða svörtum pipar

Rifinn ostur frá Örnu

Aðferð: 

  1. Steikið beikonið þar til það er stökkt og gott, takið af pönnunni og skerið það í litla bita.
  2. Steikið blaðlauk og sveppi saman á pönnu, bætið pepperóníinu og hvítlauk á pönnuna og steikið létt.
  3. Skerið brauðið í teninga og raðið þeim í tvö eldföst mót, hellið blöndunni af pönnunni yfir brauðið. Skerið sólþurrkaða tómata og bætið út á ásamt ólífum og beikoninu.
  4. Skerið kryddostana niður í bita og setjið í pott ásamt rjómanum, hitið þar til allt hefur bráðnað saman. Hellið rjómanum yfir blönduna í eldföstu mótunum og dreifið svo rifna ostinum yfir.
  5. Hér er hægt að geyma réttina yfir nótt, pakkið þeim vel inn í plastfilmu og geymið inn í ísskáp.
  6. Kveikið á ofninum, stillið á 180ºC, bakið inn í ofni í u.þb. 20 mín eða þar til osturinn fer að verða gullin brúnn. Fallegt að setja smá svartan pipar yfir þegar rétturinn kemur úr ofninum, berið strax fram.

Uppskrit og myndir: Linda Ben https://lindaben.is/recipes/pepperoni-braudretturinn-hennar-mommu/