Það verður allt einhvern veginn aðeins betra með osti. Þessi uppskrift sem hún Linda Ben gerði fyrir okkur er engin undantekning og er fullkominn kvöldmatur í haustlægðinni sem fer yfir landið þessa dagana. Við mælum svo sannarlega með því að þú prófir þessa.

Ostafylltar kjúklingabringur í rjómalegi

Hráefni: 

4 Kjúklingabringur

1 kryddostur með pipar frá Örnu Mjólkurvörum

Rósmarín og timjan krydd

8 sneiðar Serrano skinka

2-3 dl rjómi

1 tsk kjúklingakraftur

Ferskt rósmarín

Aðferð: 

  1. Kveikið á ofninum og stillið á 200ºC.
  2. Þar sem þykkasti hluti bringanna er, stingið hníf inn í endann og myndið vasa fyrir ostsneiðar, eins djúpar og hægt er án þess að gera gat.
  3. Skerið ostinn í u.þ.b. 0,5 cm þykkar sneiðar og setjið inn í “vasann” á kjúklingabringunum. Kryddið með rósmarín og timjan og vefjið svo 2 stk serrano skinku utan um hverja bringu. Raðið í eldfast mót og bakið inn í ofni í 20 mín.
  4. Þegar 20 mín eru liðnar, hellið rjómanum út á mótið og blandið saman kjúklingakrafti saman við. Bakið áfram í 20 mín.
  5. Takið út úr ofninum og kryddið (og skreytið) með fersku rósmarín.

Kartöflu smælki

Hráefni:

400 g litlar kartöflur með hýði

2-3 msk ólífu olía

Salt og pipar

Rósmarín krydd

Timjan krydd

Aðferð: 

  1. Hreinsið kartöflurnar vel undir köldu vatni og nuddið öll óhreinindi sem gætu leynst af. Skerið þær niður í 4 hluta hvor. Raðið í eldfast mót.
  2. Hellið olíu yfir og kryddið eftir smekk, blandið öllu vel saman.
  3. Bakið inn í ofni í u.þ.b. 30-40 mín.

Uppskrift og myndir: Linda Ben https://lindaben.is/recipes/ostafylltar-kjuklingabringur-i-rjomalegi/