Marengsbomba með brownie, jarðarberjum og salt karamellusósu

Marengsbotn

Brownie

1 L rjómi

u.þ.b 400 g jarðarber

Salt karamellusósa (hægt að kaupa tilbúna eða útbúa sjálfur, hér er t.d. uppskrift frá Lindu: https://lindaben.is/recipes/salt-karamella/

Aðferð: 

  1. Bakið marengsbotnana, uppskrift og leiðbeiningar hér fyrir neðan
  2. Bakið brownie, uppskrift og leiðbeiningar hér fyrir neðan, leyfið kökunni að ná stofuhita og skerið svo í litla bita
  3. Þeytið rjómann, skerið jarðarberin í u.þ.b 1×1 cm bita og bætið þeim út í rjómann ásamt 3/4 af brownie bitunum, skiljið nokkra eftir til að skreyta kökuna
  4. Setjið helminginn af rjómablöndunni í stóra skál eða disk með háum kanti. Brjótið annan marengsbotninn gróft og setjið yfir rjómablönduna. Setjið afganginn af rjómablöndunni yfir og brjótið hinn marengsbotninn yfir.
  5. Dreifið salt karamellusósu yfir og skreytið með restinni af brownie bitnunum

Marengs, 2 botnar

6 eggjahvítur

3,5 dl sykur

2 tsk kornsterkja

2 tsk vanilludropar

2 tsk hvítt borðedik

Aðferð:

  1. Stillið ofninn á 120ºC.
  2. Notið fullkomlega hreina hrærivéla skál, setjið eggjahvíturnar í skálina og notið þeytarann.
  3. Blandið kornsterkjunni út í sykurinn, hrærið saman.
  4. Þeytið eggjahvíturnar mjög rólega fyrst, setjið 1 tsk af sykri út í eggjahvíturnar í einu á ca ½ mín fresti, aukið hraðann hægt og rólega eftir því sem þið setjið meiri sykur út í (þolinmæðisverk en þó þess virði).
  5. Blandið saman vanilludropum og hvíta borðedikinu, hellið blöndunni út í þegar eggjahvíturnar hafa náð stífum toppum og hrærið saman við í ½ mín lengur.
  6. Teikniði tvo 22 cm hringi á sitthvoran smjörpappírinn, snúið smjörpappírnum við (svo pennastrikið sé niður) og skiptið deiginu á hringina tvo, sléttið úr og bakið í 50-60 mín.

Brownie: 

115 g smjör

1 og 3/4 dl súkkulaði

2 og 1/3 dl sykur

2 egg

60 ml mjólk

2 og 1/3 dl hveiti

Aðferð:

  1. Kveikið á ofninum og stillið á 175ºC.
  2. Setjið smjörpappír í eldfastmót, brjótið pappírinn inn í horninn svo pappírinn passi fullkomlega.
  3. Bræðið saman smjör og súkkulaði í potti yfir lágum hita.
  4. Slökkvið á hitanum og hellið sykrinum út í blönduna, hrærið reglulega í og látið kólna svolítið (5-10 mín)
  5. Í hrærivélaskál blandið saman mjólk og eggjum. Hellið saman við súkkulaði-smjör blöndunni og hrærið vel.
  6. Blandið hveitinu varlega saman við og hellið í formið. Bakið í 25 mín og leyfið henni að kólna alveg að stofuhita.

Samstarf en uppskrift og myndir gerði Linda Ben: https://lindaben.is/recipes/marengsbomba-med-brownie/