Ofnbakaðar kjötbollur með bbq- og piparostafyllingu og piparostasósa með sveppum (uppskrift fyrir 5-6 manns)

Hráefni:

  • 850 g blanda af nauta- og svínahakki (líka hægt að nota bara nautahakk)
  • 1 lítill laukur, hakkaður
  • smjör
  • 1 msk sykur
  • 1/2 dl bbq-sósa
  • 1 egg
  • 75 g (hálf askja) laktósafrír kryddostur með pipar frá Örnu, skorinn í teninga

Aðferð:

Hakkið laukinn og steikið upp úr smjöri þar til mjúkur. Stráið sykri yfir og steikið áfram í um 1 mínútu. Setjið laukinn í skál ásamt hakki, bbq-sósu, eggi og kryddosti. Blandið öllu vel saman (ég læt hrærivélina taka nokkra snúninga með K-inu). Mótið kjötbollur  (ég gerði 16 stórar bollur) og raðið á bökunarpappirsklædda ofnplötu. Bakið við 180° í um 20 mínútur.

Piparostasósa með sveppum

Hráefni:

  • um 5 sveppir, sneiddir
  • smjör
  • pipar
  • 75 g (hálf askja) laktósafrír kryddostur með pipar frá Örnu
  • 2,5 dl rjómi frá Örnu
  • 1 grænmetisteningur

Aðferð:

Bræðið smjör í potti við meðalháan hita og steikið sveppina í nokkrar mínútur. Kryddið með pipar og hellið rjóma yfir. Bætið grænmetisteningi og kryddosti í pottinn og látið bráðna í rjómanum.

Þessa uppskrift gerði hún Svava hjá Ljúfmeti og lekkerheit fyrir okkur, sjá https://ljufmeti.com/2019/01/28/ofnbakadar-kjotbollur-med-bbq-og-piparostafyllingu-og-piparostasosa-med-sveppum/