Það sem þarf:
6 eggjahvítur

3,5 dl sykur

2 tsk kornsterkja

2 tsk vanilludropar

2 tsk hvítt borðedik

500 ml rjómi

8-10 msk kirsuberjasósa (ein msk á hverja pavlóu)

150 g súkkulaði

U.þ.b. 30 stk kirsuber

Aðferð:

  1. Stillið ofninn á 120°C
  2. Notið hrærvélaskál, setjið eggjahvítur í skálina og notið þeytarann. (Mikilvægt að skálin sé algjörlega tandurhrein)
  3. Blandið kornsterkjunni út í sykurinn, hrærið saman.
  4. Þeytið eggjahvíturnar mjög rólega fyrst, setjið 1 tsk af sykri út í eggjahvíturnar í einu á ca.1/2 mín fresti, aukið hraðann hægt og rólega eftir því sem þið setjið meiri sykur út í (Þetta er þolinmæðisverk en vel þess virði).
  5. Blandið saman vanilludropum og hvíta borðedikinu, hellið blöndunni út í þegar eggjahvíturnar hafa náð stífum toppum og hrærið saman við 1/2 mín lengur.
  6. Setjið smjörpappír á ofnplötu, setjið 2 msk af marengs, sléttið úr honum og myndið einskonar skál. Gerið skálar úr öllum marengsinum en passið að hafa smá fjarlægð á milli skálanna því að marengsinn stækkar örlítið í ofninum.
  7. Bakið í 40-50 mín, slökkvið svo á ofninum en ekki opna ofninn. Látið kökurnar kólna með ofninum. Takið þær út þegar ofninn hefur kólnað fullkomnlega.
  8. Þeytið rjómann og bræðið súkkulaðið. Skiptið rjómanum á milli pavlóvanna, setjið 1 msk af kirsuberjasósu ofan á rjómann og svo kirsuber ofan á, mjög sniðugt að skera kirsuberin í tvennt og taka steininn úr.
  9. Dreifið svo brædda súkkulaðinu yfir.Svo er bara að njóta hvers munnbita 🙂

Þessi uppskrift og myndir gerði Linda Ben http://lindaben.is/recipes/kirsuberja-og-sukkuladi-litlar-pavlovur/