Það sem þarf: 

1-2 svampbotnar

3-5 msk sherrý

300 g súkkulaði með piparmyntufyllingu

500 ml 36% rjómi frá Örnu

150 g rjómaostur

3 msk sterkt kaffi

1 tsk vanilludropar

Aðferð:

  1. Skerið svampbotninn í bita og setjið um 1/3 í botninn á skál. Dreypið smá sherrýi yfir.
  2. Hitið 1 dl af rjómanum og bætið 150 g af súkkulaðinu saman við og bræðið. Látið rjómann ekki sjóða. Kælið síðan blönduna lítillega.
  3. Setjið rjómaost, vanilludropa og kaffi saman í skál og hrærið. Hellið súkkulaðirjómanum saman við og hrærið áfram.
  4. Hellið smá hluta af rjómaosta-súkkulaðiblöndunni yfir svampbotninn í skálinni.
  5. Setjið smá af söxuðu piparmyntusúkkulaði yfir og endurtakið síðan. Svampbotn, sherrý, rjómaosta-súkkulaðiblandan og saxað piparmyntusúkkulaði. Þar til allt er búið.
  6. Þeytið afganginn af rjómanum í skál og skreytið triffli með því að sprauta rjómanum þar yfir.
  7. Endið á söxuðu súkkulaði.
  8. Geymið í kæli í nokkra klst áður en það er borið fram.