Piparköku jógúrtkaka
Hér höfum við alveg dásamlega skyrköku eða réttara sagt jólajógúrtköku sem þarf ekki að baka. Áferðin er silkimjúk og bragðið einstaklega ljúft. Kakan er ekki mjög sæt á bragðið, heldur er hún létt og góð.
Botninn er að sjálfsögðu úr piparkökum til þess að ýta ennþá meira undir jóla piparkökujúgúrtið.
Þetta er einföld og ljúffeng kaka sem sómir sér vel til dæmis í vinkonu jóla brunchinum eða kaffiboðinu.
Uppskrift og myndir frá Lindu Ben.
Innihaldsefni
300 g piparkökur
100 g smjör
300 ml rjómi
460 g (2 krukkur) jólajógúrt með piparkökubragði
80 g flórsykur
Aðferð
- Smyrjið 22 cm smelluform, bara hringinn ekki botninn, og klæðið með smjörpappír. Setjið hringinn á kökudisk.
- Setjið piparkökurnar (takið nokkrar frá til að skreyta með) í matvinnsluvél og látið ganga þar til þær eru orðnar að dufti.
- Bræðið smjörið og blandið því saman við piparkökuduftið, blandið saman og setjið í botninn á kökudiskinn. Pressið vel niður og svolítið upp hliðarnar á kökuforminu. Setjið í frysti.
- Þeytið rjómann og blandið jólajúgúrtinu saman við, bætið flórsykrinum út í og hrærið.
- Hellið deiginu yfir botninn og setjið í fyrsti og geymið yfir nótt.
- Takið úr frysti og berið fram u.þ.b. 30-60 mín eftir að kakan hefur verið tekin úr frystinum. Takið smelluformið og smjörpappírinn af kökunni. Myljið piparkökurnar sem voru teknar til hliðar og skreytið kökuna.
Verði ykkur að góðu!
Arna ehf.
456-5600
arna@arna.is
VSK Númer. 85774
Framleiðsla og aðalskrifstofur
Hafnargötu 80, 415 Bolungarvík
Sala og dreifing
Tunguhálsi 6, 110 Reykjavík
Póstlisti
Með því að skrá þig á póstlistann okkar færðu sendar
nýjustu uppskriftir og aðrar gagnlegar tilkynningar frá Örnu.
