Bakaðar perur með kanil og engifer

Hollur og girnilegur morgunverður að hætti Jönu okkar.

2 perur

Smá bútur af fersku engifer rifin

2 msk. kókosmjöl

4 tsk. akasíu hunang eða sæta að eigin vali

¼ tsk. malaður kanill

2 msk. saxaðar valhnetur

½ -1 bolli grísk jógúrt

Hitið ofninn í 190°C.
Skerið perur í tvennt endilangar.
Setjið í eldfast mót.
Stráið kókosmjöli, kanil, rifnu engifer, hunangi og valhnetum yfir perubitana.
Bakið í ofninum í um það bil 20 mínútur.
Takið 2-4 diska.
Dreifið jógúrt á hvern disk og setjið síðan perubitana ofaná jógúrtina, það má jafnvel dreifa ögn meiri sætu ofan á.
Berið fram og njótið vel.