Klassískar vöfflur nema betri

Klassískar vöfflur nema betri.

Þær eru mjög léttar og bragðgóðar, ekki of sætar svo það er nóg rými til að bæta við sultum og sírópi ofan á þær.

Karamellu ab-jógúrtið gefur þeim dýpra bragð og kaffið gefur þeim þennan fallega brúna lit, ef þú ert hinsvegar ekki fyrir kaffi þá er ekkert mál að sleppa því.

Uppskrift og myndir frá Lindu Ben.

Innihaldsefni

4 egg

80 g sykur

400 g karamellu AB-jógúrt frá Örnu Mjólkurvörum

1 tsk vanilludropar

1 msk kaffi (má sleppa)

260 g hveiti

1 ½ tsk lyftiduft

½ tsk salt

6 msk brætt smjör

Aðferð

Þeytið saman egg og sykur þar til létt, ljóst og loftmikið eða þar til deigið myndar borða þegar þeytarinn er tekinn upp og deigið lekur aftur ofan í skálina.
Bræðið smjörið og leyfið því að brúnast örlítið með því að leyfa því að malla í u.þ.b. 2 min í pottinum. Leyfið smjörinu að kólna aðeins.
Bætið jógúrtinu, vanilludropunum og kaffinu út í og blandið saman við með sleikju.
Setjið hveiti, lyftiftiduftið og saltið í skál og blandið saman. Sigtið ofan í deigið og veltið því saman við varlega með sleikju.
Bætið smjörinu út í deigið og veltið því varlega saman við með sleikju þar til allt hefur blandast saman.
Steikið á vöfflujárni, u.þ.b. 1 dl af deigi í einu.
Berið fram með rjóma, sultu, berjum og því sem hugurinn girnist.

Klassískar vöfflur nema betri

Innihaldsefni

Aðferð

Verði ykkur að góðu!

Arna ehf.

Allur réttur áskilinn @ 2023